Songtexte

Rockkapelle - Gliewoi

Wäschd noch wie des war?
Lischderglanz un Brotworschdduft
Jeder wusst Bescheid
S'is widder Woihnachtszeit!
Des Johr isses ruhisch,
Jeder sitzt allää dehääm.
Mer woll net traurisch soi,
Uns bleibt jo noch de Woi

Doch de Gliewoi drinkscht allää,
Was war des sellmols schää,
Die Zeit die geht vorbei,
Drum schenk noch ääner oi!

Im Keller steht de Woi,
Regale voll mit Riesling un
Mit Weißherbscht un noch mehr,
Wer trinkt en denn jetzt leer?

Doch de Gliewoi drinkscht allää,
Was war des sellmols schää,
Die Zeit die geht vorbei,
Drum schenk noch ääner oi!

De Gliewoi drinkscht allää,
Uff ähm Bä konnschd net stääh,
die Flasch is noch net leer,
Drum trink noch ääner mehr.

Ä Gudes hots jo aa,
Mer is net so im Stress un rennt,
Es schänscht am Woihnachtsfeschd,
Sin net nur Gschenk und Gäscht.
Hauptsach mer is gesund
Un hot soi Liewe um sisch rum.
Drum mach mers Beschde draus
Un bleiwen all im Haus.

De Gliewoi drinkscht allää,
Uff ähm Bä konnschd net stääh,
die Flasch is noch net leer,
Drum trink noch ääner mehr.

Mer winschen eich ihr Leit,
E schänie Woihnachtszeit,
Un stimmen all mit oi,
Nägschd Johr werds besser soi!r